قصيدة دقسقة وقف ...

وقـف دقيقـة وكلمنـي بالله يابـارع المنـظـر
يالي جمالك اخذ عقلي وهز قلبـي مـع اركانـه
وقف دقيقة مع خلـك وشـرف الـدار والمحظـر
ياعود نفاح في اصلك ياورد فاتش فـي اغصانـه
سويت في يدك الحنـى وشفتـك مبسمـا احمـر
والصدر زينه طبيعيه مـن ليـم حالـي ورمانـه
وخدودك البيض تسحرني وتحطني في هواك افخر
جمال نـادر فـي الدنيـا ماتشبهـه اي انسانـه
وريقك العذب ذوبني احلى مـن الشهـد والسكـر
ونظرته تشرح الخاطر في سهم يطلق من اعيانه
وقوامها خيزرانيه ولبسها مـن حريـر اخضـر
تمشي دلع في دلع كلـه حلـوة رشيقـة وفنانـة
والعطر بيفوح من ثقره بريحـة الـورد والعنبـر
سبحان من زينه سبحان وعطاه ذا الحسن سبحانه
وانت مسكين ياقلبي هايم وسـط حبهـا تسكـر
تشرب من الحب كاساته بكواب لولـه ومرجانـه
ذا منيتي ذا سلى روحي ذا سلوة الروح والخاطـر
لو حد سئل وينهو ساكن في داخل القلب عنوانـه
له دار معمور في قلبي وهو لذا الـدار ذي نـور
في ذوقها والحلى كله صارة على القلب سلطانـة