قصيدة عن الاب

يابوي ليه تبكي كل ماشافتك وعينك لي ...
تخاف اموت يابوي... وقبل الموت تبكيني...
تكفى يابوي لاتبكي وانا موجود معك وحي ...
اجل بعد الرحيل ا شلون في قبري توطيني...
يابوي لو تموت الناس ماتسوى ماتسوى دموعك ذي...
وانا يابوي ميت قبل اموت وانت محييني ...
قسم بالله يابوي لجل عينك شربت الغي ...
جرعت الهم والحرمان وبحر الويل يسقيني...
تحملت السنين اللي طوتني في عذابي طي...
وصار الجمر بكفوفي... وتحت اقدام رجليني ...
يابوي ماعلى عمري حسافه ولا بقالي شي...
ولكن بطلبك يابوي تكفى لاتخليني...
يابوي مابي غيرك يغسل جثتي بالمي...
وتكفى قبل اتكفن...يابوي فكلي عيني...
بامر الله يمكن المحك وارحل في عيني ضي ...
وودع وجهك الطاهر مع دنياي وسنيني...
وخل الناس تحملني وترفع راسي ورجلي...
وتاخذني على قبري وتكسب اجرها فيني ...
واذا جيت القبر يابوي نزلني شوي شوي...
ووجهني لبيت الله...وقبلة المصليني...
وحط الطين وادفني وعز اللي يعزي في ...
ثلاث ايام يابوي ...يواسوك المعزيني...
ورابع يوم يابوي تذكر ضحكتي وعني...
تذكر وش كنت اقول يوم انك تناديني ...
تذكر يوم كنت انام في ظل النخل والفي ...
تجي يمي تصب الما ... على وجهي وتصحيني...
تذكر جرة الموال وصوت في حبالة كي ...
تذكر يوم اغني لك قصيدي وانت توحيني...
تذكر ضحكتك لاقلتلك يابوي عشقي هي...
تذكر كم قصيدة خافيه مابينك وبيني...
تذكر كل شي كان واذكر يوم انا حي ...
ولكن اسالك يابوي لاتبكيني...